اسعار قاعات الافراح

الى كل عرايس مصر
بعد عمل جوله حول فنادق مصر وبالتحديد فى مدينة القاهره حبيت اعمل هذا الملف عشان الكل يستفيد

فندق كونكورد السلام *****
ال 100 فرد ب 17800 جنيه والفرد الأضافى ب 145 جنيه


نايل هيلتون*****
الفرد ب 150 او 170 او 200 جنيه غير الأساسيات ده بوفيه بس


هيلتون رمسيس*****
ب 150 أو 160 أو 170 للفرد + 3500 جنيه أساسيات يعنى زفه وكوشه ودى جى وتصوير فيديو وفوتو


لو باساج ( موفنبيك المطار)*****
خميس وجمعه وسبت ال 100 فرد ب 15675 والفرد الأضافى ب 130 جنيه
وباقى الأيام ب 13525 جنيه والفرد الأضافى ب 110 جنيه كله يعنى البوفيه والأساسيات( زفه وكوشه ودى جى وتصوير فيديو مكسر وفوتوغرافى وتورته 7 أدوار+ شربات)


سياج بيراميدز*****
ال 100 فرد هاى تى ب 4900 جنيه والفرد الأضافى ب 35 جنيه
وأوبن بوفيه ب 6900 جنيه والفرد الأضافى ب 55 جنيه
بوفيه و زفه وكوشه ودى جى وتصوير فيديو وفوتو وتورته 3 دور


فندق نوفوتل المطار ****
الفرد ب 110 أو 129 أو 160 جنيه اوبن بوفيه+ تورته واقامه ليلتين بالفندق بالفطار + المشروبات
+ 3200 جنيه ( زفه وكوشه ودى جى وتصوير فيديو مكسر وفوتوغرافى)
فندق شبرد****
قاعة نفرتيتى بتكفى 150 فرد ب 23000 جنيه بوفيه كامل + زفه وكوشه ودى جى وتصوير فيديو وفوتوغرافى وتورته)


فندق بيراميزا*****
ال 150 فرد ب 22000 او 24000 الف
البوفيه وزفه وكوشه ودى جى وتصوير فيديو وفوتوغرافى وتورته 5 ادوار)


ميريديان الهرم *****
ال 100 فرد ب 13950 جنيه البوفيه وزفه وكوشه ودى جى وتصوير فيديو وفوتوغرافى وتورته )

فندق كتراكت*****
ال 100 فرد + 10 افراد free ب 12600 أو 13600 أو 15600
شامل البوفيه وزفه وكوشه ودى جى ومطرب بيغنى شرقى وغربى وتصوير فيديو وفوتوغرافى وتورته وليلق اقامه مع الفطار وشهر عضويه مجانيه فى النادى الصحى)
والفرد الأضافى ب 107.5 أو 113.5 أو 129.5

موفنبيك الهرم****
ال 100 فردب 13000 او 14000 او 16000 او 17000 شامل كل حاجه البوفيه وزفه وكوشه ودى جى وتصوير فيديو وفوتوغرافى وتورته


فندق سونستا****
ال 100 فرد ب 15500 جنيه والفرد الأضافى ب 155 جنيه شامل البوفيه وزفه وكوشه ودى جى وتصوير فيديو وفوتوغرافى وتورته

هذه هى المعلومات اللى عندى وان شاء الله اذا عرفت جديد هكتبه هنا باستمرار حتى يكون ملف متجدد
اسعار قاعات الافراح وتعديلاتها وفقا لعام 2008
اولا الفنادق
1-مينا هاوس
فندق حلو جداا واستيل القاعات فيه زي القصور وديكورها عجبني اوي
حجز القاعه شامل البوفيه والكوشه والديكور 30 الف جنيه ولازم تحجزي قبلها بمده كبيره وتدفعي مقدم حوالي 10 في الميه من التكلفه كتأمين وترجعي تاني تأكدي الحجز قبل المعاد بشهر علي الاقل
2-ميرديان الهرم
بعد ميدان الرمايه مباشره فندق كويس واسعاره معقوله شويه بصراحه معرفتش اجيب السعر بالظبط بمعني اوضح مرضيوش يقولولي بس تقريبا 28 الف شامل مستلزمات الفرح
3-سياج الهرم
بعض الناس بيشكروا فيه بس انا معجبتنيش قاعات الافراح بصراحه ومهتمتش اسأل اوي
4-كتراكت بيراميدز سقاره ريزورت
يحتوي علي قاعه واحده وهو فندق خمس نجوم
تكلفه الفرح معتمده علي طبيعه البوفيه
*15الف والفرد الزياده ب90 ج
*22 الف والفرد الزياده ب 100ج
*29الف والفرد الزياده ب110ج
ودا شامل الكوشه والدي جي وكان زمان يدو ليله هديه للعرسان بس دلوقتي معتقدتش
5-موفينبيك المطار

فندق 5 نجوم وسعر الفرد شامل البوفيه والتورته والزفه والدي جي والقاعه بمستلزامتها يرتبط بالايام
*بوفيه الف ليله وليله ايام الخميس والجمعة والسبت 15الف جنيه
الفرد الاضافي ب 105 جنيه

* بوفيه شهرزاد ايام الاحد والاثنين والثلاثاء والاربعاء 115الف جنيه
الفرد الاضافي ب 90 جنيه
6-موفينبيك الهرم
فندق حلو جدا والتكلفه الكليه حوالي 27 الف ج شامل جميع المستلزمات عدا البوفيه لانه كل مامستواه زاد زادت معاه التكلفه
واعتقد يا جماعه هي قاعه واحده لاني حضرت كل الافراح فيها

*وفيه فنادق كتير تانيه ممكن تسألو فيها
-سميراميس انتركونتنتال
-شيراتون هليوبلس
-سوفتيل
-البارون
-جي دبليو ماريوت ودا رووووووعه
و جنااااااااان بس غالي اقل فرح تكلفته 39الف ج
-كتاركت الهرم
-كونكورد السلام
-شيراتون الجزيره
-جراند حياه
-هيلتون رمسيس
-فور سيزونز ودا خياااااااالي وهمي انا هقلكم سعر الليله فيه وعليكم ان تتخيلو سعر الفرح بنفسكم
سعر الليله شامله فطار وعشاء 1800 ج للفرد

1- دار القوات الجويه

1- قاعة ليلتي
وهي القاعه الكبيره وسعتها تبدأ من 200 فرد والقاعه ممتازه وشيك
2- قاعة لارين
وسعتها تبدأ من 100-200 فرد فقط وايضا قاعه ممتازه
نظام التعاقد في الدار
سعر البوفيه* عدد المدعوين
تورتة العروسه بحد ادنى 3 ادوار
12% خدمه على البوفيه والتورته
ايجار القاعه - التصوير الفوتوغرافي - صور الزفاف - الدي جي - الفيديو - الزفه - زفة المشاعل - الكوشه - كوشة التورته - الاضاءه - ساوند سيستم - الليزر - الدخان - التأمين(يسترد بعد نهاية الحفل)
وتلك هي المكونات الاساسيه لاغلب الافراح وهي اساسيه في القاعات الكبيره ويمكن التقليل منها في القاعات الصغيره وده نظام الحساب في جميع دور القوات المسلحه مع فروق بسيطه
بالنسبه لقاعات القوات الجويه دي هي شيك ونظيفه جدااا بس كلاسيك قوي ما شفتش فيها حركات جديده



2- دار الدفاع الجوي

1- الجلاديوس من 50 - 100 فرد
2- الباسنت من 120 - 200 فرد
3- الكامليا من 200 - 500 فرد
4- البانسيه من 200 - 400 فرد
5- الاوركيد من 400 - 700 فرد
وده ترتيبهم من ناحية السعه والامكانيات طبعا وقاعات الدفاع الجوي امكانيتها ممتازه بالنسبه للاضاءه والساوند والشوهات والتصوير وشياكة القاعه بس السعر بالنسبه للدارين دول غالي يعني الفرح الحلو مش هيقل عن 20 الف جنيه كبدايه فقط بدون اى مميزات او زيادات لعدد حوالي (150-200) فرد



3- دار المشاه

1- اللؤلؤه من 40 - 80 فرد
2- الفيروز من 100 - 180 فرد
3- الجوهرة من 200 - 400 فرد
4- الماسيه من 400 - 700 فرد
بصراحه انا ما قدرتش اشوف قاعة الجوهرة لانها تحت التجديد والله اعلم هتخلص امتى يس حاليا بتشتغل الماسيه مكانها ابتدأ من 200 فرد ودي اكبر واحلى قاعه في الدار وهي القاعه المستديره اللي ضاهره من خارج الدار فعلا قاعه جميله وامكانيتها حلوه بس سعر الفرح فيها بالنسبه لعدد 200 فرد بيبدأ من 25 الف جنيه



4- دار الهيئه الهندسيه

1- برديس من 50 - 60 فرد
2- الجريل من 100 - 200 فرد
3- الخضراء من 100 - 200 فرد
4- عايده من 100 - 200 فرد
5- السلاملك (القاعه الكبيره)
بالنسبه للقاعات الصغيره عايده افضلهم وخصوصا انها لسه متجدده قريب والفرح هناك يعمل حوالي 10 الاف جنيه لعدد 100 فرد
اما بالنسبه للسلاملك فدي احدث واكبر قاعه في الدار وبصراحه شيك جدا وتحفه وزي ما قلت قبل كده ليها فرش خاص بيها ومكان البوفيه حلو جدا وليها كمان كوشات خاصه بيها فقط وكوشة تورته مميزه ولها غرفة تحكم مخصوص بالنسبه للاضاءه والساوند وخلافه بس بصراحه غاليه انا شخصيا ما سالتش على سعر الفرح فيها بس في اعتقادي مش هيقل عن 35 الف جنيه كبدايه بالنسبه للي شفته طبعا

5- دار المدفعيه

1- قاعة النيل تبدأ من 150 فرد
2- قاعة حورس تبدأ من 200 فرد
3- توجد قاعتين صغيرتين بس بصراحه مش فاكره اسمائهم
بالنسبه للنيل قاعه ممتازه وواسعه والمميز فيها شو التورته بيتم عن طريق كوشه للعريس والعروسه بتلف وتظهر قدام التورته وهما قاعدين فيها وكلها مزينه والتورته نفسها موضوعه على شكل نصف دائره مش ادوار فوق بعض والحركه دي في قاعة حورس كمان بس مكان الكوشة في حورس احلى واوسع لكن الزفه في الجنينه قدام القاعه اما زفة قاعة النيل بتبقى في بهو الفندق الخاص بالدار وغير كده باقي المميزات عاديه
سعر الفرح بالنسبه للنيل يبدأ من 11 الف جنيه لعدد 150 فرد اما حورس حوالي 13 الف جنيه لعدد 200 فرد



6- دار الاسلحة والزخيره

1- قاعة قصر الشوق من 200 - 500 فرد
2- قاعة كريستال من 200 - 500 فرد
3- قاعة فرحه من 100 - 200 فرد
4- قاعه صغيره مش فاكره اسمها
القاعات رائعه وتجدد باستمرار وامكانيات الدار متجدده يعني مثلا بالنسبه للزفه عندهم عربيات قديمه وكرتات من اللي بتجرها الخيل وبيسوقها سواق لابس ملابس تشريفه قديمه بتركبها العروسه من امام استديو التصوير لحد مكان بداية الزفه وفعلا بتحس انها اميره من بتوع زمان
كمان عندهم استديو التصوير بيطلع صور الزفاف اثناء الفرح وبيعرضهم على الشاشات في القاعه وممكن يطبع منهم 100 نسخه 4*6 ويتحطوا في براويز صغيره ويتوزعوا على المعازيم في اثناء الفرح كمان مصور الفيديو احلى واحد شفته لحد دلوقتي عمل فيديو كليب لعروسه بالصور ولقطات الفيديو وغيره
بالنسبه لقاعة كريستال داخلة العريس والعروسه للقاعه بتكون من باب خلفي غير اللي الناس بتدخل منه وبعدين بيبقى فيه مسرح عليه شاشة ورق بيضاء كبيره زي بتاعت السينما طبعا بتبقى مش واضحه في الظلام وتسمعوا موسيقى قويه واضاءه وحركات وبعدين يقطع العريس الشاشه دي بسيف ويدخل هو والعروسه مش عارفه عرفت اوضحلكم الصوره ولا لا بس هي في الحقيقه حلوه جدا
اما شو التورته بيكون على نفس المسرح بنلاقي العريس والعروسه ظهروا على المسرح فجأه طبعا بعد عد تنازلي 3-2-1 مع ظهور التورته وهي طالعه باسانسير من تحت الارض وكمان شكلها حلو قوي
اما قصر الشوق فبيكون دخول العريس والعروسه برضه من باب خلفي وبعدين شوية حركات اضاءه وصوت وتلاقي الكوشة لفت وظهروا قاعدين عليها هما الاثنين بتبقى مفجأه حلوه لان كل الناس مستنياهم يدخلوا من الباب وساعة شو التورته تلف الكوشة تاني ويختفوا ويظهروا فجأه في اسانسير هما والتورته نازلينمن اعلى القاعه مش هاقلكم قد ايه شكلها تحفه ورائع بجد مش هاقدر اوصف تصدقوا انا فعلا بافكر اعمل فرحي فيها بس ادعولي الاقي حجز وبصراحه الدار دي اكثر مكان لاقيت فيه حركات جديده واسعار حلوه يعني الفرح الحلو هناك لعدد 200 فرد يعمل حوالي 15 الف جنيه



7- دار الحرس الجمهوري

1- القاعة الكبيرة من 300 - 700 فرد
الفرح فيها يبدأ من 30 الف جنيه لعدد 300 فرد والقاعه لسه جديده وحلوه وشيك ومدخلها فخم ومكان الزفه حلو لان مدخل القاعه واسع وسلمها عريض
2- القصر الصغير من 100 - 200 فرد
الفرح فيها يبدأ من حوالي 7500 جنيه لعدد 100 فرد



8- دار المدرعات

ابتداء من الدار دي المستوى هيقل شويه ومش نفس درجة الفخامه والتميز

1- قاعة الاندلس من 150 - 450 فرد
2- قاعة الفردوس من 80 - 150فرد
3- مسرح وحمام السباحه من 100 - 600 فرد
القاعات جيده والفرح يبدأ من حوالي 7 الاف جنيه لعدد 100 فرد



9- دار ضباط المركبات

1- قاعة نفرتيتي من 150 - 225 فرد
2- قاعة الف ليله من 150 - 300 فرد
3- حمام السباحه من 400 - 700 فرد
4- قاعة اللؤلؤه من 100 - 150 فرد
5- قاعة نفرتاري من 100 - 175 فرد
6- قاعة العروسة من 50 - 100 فرد
7- الحديقة من 80 - 250 فرد
8- حمام السباحة الصغير من 40 - 80 فرد
وهي تعتبر من ارخص الدور وامكانيتها جبده وسعر الفرح فيها يبدأ من حوالي 5 الاف جنيه لعدد 100 فرد


10- دار الامداد والتموين

1- قاعة الفردوس من 150 - 300 فرد
2- قاعة التوت من 100 - 180 فرد
3- تراس الصفا من 100 - 180 فرد
4- مسرح الحمام من 80 - 100 فرد
5- حمام السباحة من 250 - 500 فرد
6- قاعة الفيروز 5 جنيه للفرد
سعر الفرح يبدأ من حوالي 6 الاف جنيه لعدد 100 فرد وامكانيات الدار والقاعات متوسطة



11- دار الحرب الالكترونيه

1- قاعة اللوتس من 70 - 100 فرد
2- قاعة كليوباترا من 120 - 230 فرد
3- قاعة عايده من 150 - 220 فرد
امكانيات القاعات جيده وسعر الفرح يبدأ من حوالي 6 الاف جنيه لعدد 100 فرد



12- دار ضباط الاشاره

1- قاعة نفرتيتي من 100 - 130 فرد
2- قاعة الفيروز من 200 - 300 فرد
3- قاعة الطاووس من 100 - 150 فرد
4- قاعة الجوهرة من 150 - 200 فرد
5- حمام السباحة من 60 - 80 فرد
امكانيات القاعات متوسطة وسعر الفرح يبدأ من 5 الاف جنيه لعدد 100 فرد

***ملحوظه(1)

جميع الاسعار المكتوبه تقريبيه لبوفيه عشاء ولو كان البوفيه هاي تي يقل السعر ولكن الهاي تي لا يسمح به في القاعات الكبيره

*** ملحوظه(2)

سعر الخدمه المكتوب للبوفيه المفتوح اما في حالة السيت منيو تزيد الخدمه وقد يصل سعر الفرد الى حوالي 50 جنيه

ده بالنسبه لدور القوات المسلحه نتكلم بعد كده عن الفنادق ان شاء الله



1- كتراكت بيراميدز سقاره ريزورت

يحتوي على قاعه واحده وسعر الفرح فيه لعدد 100 فرد شامله الزفه والكوشه والدي جي وايجار القاعه وهديه اقامة ليلتين في الفندق وليله في اول عيد زواج واشتراك لمدة شهر في النادي الصحي يقسم الى ثلاث فئات حسب درجة البوفيه

1- 9800 والفرد الزياده ب 80 جنيه
2- 10800 والفرد الزياده ب 95 جنيه
3- 12800 والفرد الزياده ب 110 جنيه
مستوى الفندق ممتاز هو 5 نجوم للعلم والقاعه جديده وامكانيتها جيده وتسع حتى 500 فرد وستوديو التصوير مجهز والزفه بالحديقه بجوار حمام السباحه

يوجد ايضا حديقه كبيره بجوار حمام السباحه تقام فيها الافراح في الصيف فقط



2- موفينبيك المطار

ايضا فندق 5 نجوم وسعر الفرح لعدد 100 فرد شامل البوفيه والتورته والزفه والدي جي والقاعه بمستلزامتها يحدد حسب الايام
1- بوفيه الف ليله وليله ايام الخميس والجمعة والسبت 12200 جنيه
الفرد الاضافي ب 98 جنيه
اقامه ثلاث ليالي في جناح الملكات شامله الافطار او خمسة ليالي في غرفة مميزه
2- بوفيه شهرزاد ايام الاحد والاثنين والثلاثاء والاربعاء 10500 جنيه
الفرد الاضافي ب 83 جنيه
اقامه ليلتين في جناح الملكات شامله الافطار او اربعة ليالي في غرفه مميزه



3- فندق نوفيتال المطار

يعتمد نظام الفندق على تقسيم البوفيه لثلاث فئات تشمل كل فئه سعر البوفيه وتورتة العروسه وشربات الفرح واقامة ليلتين في الفندق شامله الافطار
1- زفاف فينا لعدد 100 فرد 7200 جنيه والفرد الزياده ب 70 جنيه
2- زفاف فينيسيا لعدد 100 فرد 8900 جنيه والفرد الزياده ب 85 جنيه
3- زفاف فيرجينيا لعدد 100 فرد 12000 جنيه والفرد الزياده ب 120 جنيه
باقي مستلزمات الفرح من زفه وكوشه وصور وخلافه يتم اختيارها من القايمه عند ادارة الحفلات اما بالنسبه للقاعه فهي واسعه ومستواها جيد جدا وامكانيتها جيده



الفنادق التاليه ساكتب اسمائها فقط وهي تسير على نفس النظام مع فارق المستوى وبالطبع الاسماء المشهوره معروف مستوايتها


1- فندق الكونراد
2- سميراميس انتركونتينتال
3- فندق النيل هيلتون
4- فندق رمسيس هيلتون
5- فندق جراند حياة
6- فندق ماريوت
7- فندق هلنان شبرد
8- فندق سفير (الزمالك)
9- فندق شيراتون القاهره
10- فندق شيراتون الجزيره
11- فندق شيراتون هليوبليس
12- فندق ميريديان المطار
13- فندق سونيستا
14- فندق سوفيتيل المعادي
15- فندق موفينبيك الهرم
16- فندق البارون(مصر الجديده)
17- فندق قاعود(فيصل-الهرم)
18- فندق صحارى ان
19- فندق مينا هاوس
20- فندق ميدل ايست (الهرم)
21- فندق اطلس الزمالك
22- فندق سياج بيراميدز
23- فندق النبيله الزمالك
24- فندق الحريه (مصر الجديده)
25- فندق امان (الدقي)
26- فندق برج ام كلثوم (الزمالك)



1- نادي ضباط الاشغال العامه بالقوات المسلحه على كورنيش المعادي

1- قاعة كليوباترا من 100 - 200 فرد
2- روف البانوراما من 100 - 300 فرد
ونظامه يشبه نظام دور القوات المسلحة السابق دكره والبوفيه فيه ينقسم لنوعين
1- بوفيه مفتوح ويتنوع من الهاي تي لبوفيه العشاء
2- بوفيه السرفيس ويحدد فيه محتويات كل طبق للفرد وينزل على المائده مباشرة



2- دار ضيافة البنك الاهلي المصري

والدار دي خاصه بموظفي البنك الاهلي وطبعا سعرهم يختلف عن سعر العامه ويشترط للحجز بها احضار صوره من اثبات شخصية او كارنيه احد الافراد العاملين بالبنك والاسعار المدكوره هنا هي اسعار الافراد العامه وبالطبع تقل للعاملين

1- قاعة كريستال من 100 - 300 فرد
2- قاعة اللؤلؤة من 100 - 200 فرد
يتم منح العروسين غرفه واحده مجاني لمدة ليله واحده
اسعار البوفيه 20 - 30 - 35 - 40 بالنسبه للبوفيه المفتوح
ويوجد عندهم نظام السيت منيو واسعارها 35 - 40 - 55 للفرد
باقي المستلزمات يتم اختيارها من القائمه اما مستوى القاعات جيد وهي جديده ونظيفه وامكانيتها جيده ومتجدده والخدمه جيده جدا



3- قاعة خان الخليلي على كورنيش المعادي

القاعه جيده وامكانيتها جيده والنظام هناك يعتمد على سعر البوفيه الي بيتراوح
27 - 34 - 40 - 45 بالاضافه للخدمه 12 % اما باقي الاضافات اما ان يتم اختيارها منفرده او توجد 5 عروض خاصه تجمع بين الدي جي والتصوير وخلافه حسب امكانيتهم المختلفه ويوجد عليها تخفيض جيد وسعر الدار دي مناسب لاغلب المستويات



4- مرسى النهر الخالد (كورنيش المعادي)

لا تتعجبوا من المكان مثلي فقد اكتشفت انه معروف لفئه كبيره من الناس
1- قاعة حورس تفتح ب 1500 جنيه
اسعار البوفيه 35 - 45 - 60
القاعه جديده وتطل مباشرة على النيل والزفه في الحديقه امام مدخل القاعه
متوسط سعر الفرح 6500 جنيه
2- المركب سعر الفرد بها 45 جنيه (وجبات)
في حالة البوفيه المفتوح سعر الفرد 55 جنيه



5- جميع نوادي النقابات بها قاعات افراح

ايضا نوادي ضباط الشرطه والهيئات المختلفه مثل نادي ضباط حرس الحدود بالزمالك وهو نادي جيد ومتوسط سعر الفرح فيه 6 الاف جنيه لعدد 100 فرد