السجاجيد، وهي من أهم القطع اللي بتكون موجودة في البيت، فهي من أكتر القطع اللي بتدي البيت غنى وشياكة ودفء.
ومن أهم البلاد اللي بتنتج السجاجيد هي "إيران"، "تركيا"، "الهند" و"مصر" طبعاً.
وطبعاً السجاجيد المصنوعة يدوياً بتكون اغلى وأحلى، وعلى فكرة هي نوع من الاستثمار؛ لأنها كل ما بتقدم كل ما بتغلى.
إيه خامات السجاجيد...؟
فيه خامات متعددة من السجاجيد أغلاها الحرير والصوف على حرير والقطن.
و من أكتر الأشياء اللي بتميز الحرير دقة الصنع في الغرزة وعلى فكرة السجادة الحرير لما نقف على كل ناحية منها نشوف السجادة بلون مختلف أيضا من مميزات السجاد الحرير إن ممكن نجيب منه قطع صغيرة ونعلقها على الحيط.
أنواع السجاجيد
السجاد الإيراني
أول حاجة هنتكلم عن السجاد الإيراني ومن أهم رسوماته "الشيرازي"، "الكاشكاي"، و"التبريزي" وفي الغالب الأنواع دي كلها مصنوعة من الصوف وبتكون رسوماتها هندسية.
ومن مميزات السجاد الإيراني إنه بيمشي على كل موديلات الفرش سواء الكلاسيك أو المودرن وبيمشي على اللون النبيتي.
السجاد الهندي
فيه كمان السجاد الهندي ومن أحلى أنواعه السجاد الحرير الهندي اللي بيجسد بعض الأساطير الهندية القديمة، أيضا فيه سجاد هندي شبه الكليم ده بيكون سعره رخيص وبيليق على البيوت المودرن.
السجاد التركي
أما السجاد التركي الصوف من أرقى وأفخم أنواع السجاد في العالم بيتميز برسوماته الإسلامية، وأشهر ألوانه اللون الأزرق والبتنجاني والنبيتي
السجاد المصري
بالرغم من وجود مصانع عديدة لصناعة السجاد في مصر سواء اليدوي أو المكن لكن للأسف كل الرسومات والتصميمات مقلدة من التركي والإيراني والهندي، فللأسف السجاد المصري مالوش شخصية بالرغم من إن في عهد المماليك السجاد المصري كان ليه رسومات مميزة جداً لكن للأسف اندثرت.
السجاد الصيني
وده بقى مهم قوي دلوقتي وبيكون غالباً على شكل شينواه وغزا مصر في الخمسين سنة الأخيرة ومن أهم ألوانه "الروز"، "الكحلي" و"البيستاج" وبيكون دايماً عليه رسمة الوردة البلدي لكن للأسف النوع ده من السجاد مالوش أي قيمة؛ لأنه مصنوع مكن وفي الغالب مصنوع من مواد صناعية ومشكلته الكبيرة إنه بتكون فيه كمية تراب غير عادية بس الميزة إن سعره رخيص جداً.
فيه كمان سجاد اوبيسون لكنه غير عملي بالمرة لأن سمكه قليل جدا فبيتكشكش ومبيكونش مفرود قوي بالإضافة إلى إنه سهل القطع.
وطبعاً السجاد المكن بيكون سعره أرخص من السجاد اليدوي من 15 إلى 25 في المية لكن أنا من وجهة نظري إننا بدل ما نجيب 3 سجاجيد مكن نجيب 2 سجادة يكونوا يدوي وهيكونوا أقيم وهيعيشوا أكتر.
دي كانت مقدمة طويلة شوية علشان نعرف أنواع السجاجيد.. وتعالوا بقى نعرف إيه هي موضة السجاجيد؟ وازاي نفرش بيتنا بالسجاجيد؟
موضة السجاجيد
على فكرة يا بنات فيه رأي غلط قوي إننا نعتبر إن فيه موضة معينة للسجاجيد، فالسجاد مش مرتبط بموضة معينة، فأي بنت ممكن إنها تجيبه وتشيله لغاية ما ييجي ابن الحلال؛ لأنه مش مرتبط بموضة وألوانه بتناسب أي لون من ألوان البيت يعني مانخافش من إنه مش هيكون مناسب مع باقي الفرش، وده لأن في الغالب الأثاث بييجي على ذوق العروسة برضه وغالباً بتكون محددة الألوان اللي بتحبها في الأثاث ولذلك ممكن تجيب السجاد برضه على ذوقها وعلى حسب الأشكال والألوان اللي ترتاح ليها ومترتبطش باللي نازل موضة.
أفضل طريقة لتخزين السجاد
لازم ناخد بالنا جداً من طريقة التخزين لأن السجاد له طريقة تخزين خاصة بيه ففي بعض الشركات ممكن إننا نخزن عندهم السجاد وممن نخزنه في البيت بس لازم كل 3 أشهر نطلعه نهويه ونحط جواه فلفل أسود أو طفي السجائر وده علشان العتة.
أما السجاد اللي بنستخدمه في البيت أحسن طريقة لتنظيفه والحفاظ عليه هي أننا نكنسه بمقشات الرز بتاعة زمان ونبعد عن المكنسة الكهربائية لأنها بتنحله.
ونحاول كل شهر نعرضه للشمس لمدة نص ساعة.
فرش السجاجيد ليه طريقة
احنا اتكلمنا على السجاد وأنواعه وتعالوا نعرف ازاي نفرش البيت..
سجادة السفرة بتكون أكبر سجادة يعني لازم الكراسي تكون على السجادة هي والترابيزة، ومن الأحسن إن رسوماتها تكون صغيرة جنب بعضها ونبعد عن السجادة اللي ليها سرة؛ لأنها مش هتبان وعلى فكرة سجادة السفرة ممكن تكون مكن مش يدوي؛ لأنها بتتبهدل كتير ودايماً بتكون السجادة متدارية تحت الترابيزة.. وأحسن حاجة هي إننا نختار السجادة المستطيلة ونبعد عن المدورة
لأن السجاد المدور بيوضع فقط في مدخل البيت.
بالنسبة للصالون نختار سجادة متوسطة الحجم، وممكن سجادتين توأم لازقين في بعض.
أما الأنترية أو الليفنج نحط سجادة متوسطة الحجم وممكن بين الصالون والسفرة نحط قطعة سجاد صغيرة أوضة النوم زي ما قلت قبل كده بافضله من الشينواه ويكون قطع صغيرة.
ياريت نبعد عن الموكيت تماماً لأنه ليه أضرار على الصحة هو والسجاد المصنوع من الألياف الصناعية لأنه ضار بالصحة.
أما في مدخل الشقة نحط سجادة مدورة لو المدخل مربع وواسع أما لو كان المدخل طويل فالأفضل نحط سجادة مستطيلة.
ومن أهم البلاد اللي بتنتج السجاجيد هي "إيران"، "تركيا"، "الهند" و"مصر" طبعاً.
وطبعاً السجاجيد المصنوعة يدوياً بتكون اغلى وأحلى، وعلى فكرة هي نوع من الاستثمار؛ لأنها كل ما بتقدم كل ما بتغلى.
إيه خامات السجاجيد...؟
فيه خامات متعددة من السجاجيد أغلاها الحرير والصوف على حرير والقطن.
و من أكتر الأشياء اللي بتميز الحرير دقة الصنع في الغرزة وعلى فكرة السجادة الحرير لما نقف على كل ناحية منها نشوف السجادة بلون مختلف أيضا من مميزات السجاد الحرير إن ممكن نجيب منه قطع صغيرة ونعلقها على الحيط.
أنواع السجاجيد
السجاد الإيراني
أول حاجة هنتكلم عن السجاد الإيراني ومن أهم رسوماته "الشيرازي"، "الكاشكاي"، و"التبريزي" وفي الغالب الأنواع دي كلها مصنوعة من الصوف وبتكون رسوماتها هندسية.
ومن مميزات السجاد الإيراني إنه بيمشي على كل موديلات الفرش سواء الكلاسيك أو المودرن وبيمشي على اللون النبيتي.
السجاد الهندي
فيه كمان السجاد الهندي ومن أحلى أنواعه السجاد الحرير الهندي اللي بيجسد بعض الأساطير الهندية القديمة، أيضا فيه سجاد هندي شبه الكليم ده بيكون سعره رخيص وبيليق على البيوت المودرن.
السجاد التركي
أما السجاد التركي الصوف من أرقى وأفخم أنواع السجاد في العالم بيتميز برسوماته الإسلامية، وأشهر ألوانه اللون الأزرق والبتنجاني والنبيتي
السجاد المصري
بالرغم من وجود مصانع عديدة لصناعة السجاد في مصر سواء اليدوي أو المكن لكن للأسف كل الرسومات والتصميمات مقلدة من التركي والإيراني والهندي، فللأسف السجاد المصري مالوش شخصية بالرغم من إن في عهد المماليك السجاد المصري كان ليه رسومات مميزة جداً لكن للأسف اندثرت.
السجاد الصيني
وده بقى مهم قوي دلوقتي وبيكون غالباً على شكل شينواه وغزا مصر في الخمسين سنة الأخيرة ومن أهم ألوانه "الروز"، "الكحلي" و"البيستاج" وبيكون دايماً عليه رسمة الوردة البلدي لكن للأسف النوع ده من السجاد مالوش أي قيمة؛ لأنه مصنوع مكن وفي الغالب مصنوع من مواد صناعية ومشكلته الكبيرة إنه بتكون فيه كمية تراب غير عادية بس الميزة إن سعره رخيص جداً.
فيه كمان سجاد اوبيسون لكنه غير عملي بالمرة لأن سمكه قليل جدا فبيتكشكش ومبيكونش مفرود قوي بالإضافة إلى إنه سهل القطع.
وطبعاً السجاد المكن بيكون سعره أرخص من السجاد اليدوي من 15 إلى 25 في المية لكن أنا من وجهة نظري إننا بدل ما نجيب 3 سجاجيد مكن نجيب 2 سجادة يكونوا يدوي وهيكونوا أقيم وهيعيشوا أكتر.
دي كانت مقدمة طويلة شوية علشان نعرف أنواع السجاجيد.. وتعالوا بقى نعرف إيه هي موضة السجاجيد؟ وازاي نفرش بيتنا بالسجاجيد؟
موضة السجاجيد
على فكرة يا بنات فيه رأي غلط قوي إننا نعتبر إن فيه موضة معينة للسجاجيد، فالسجاد مش مرتبط بموضة معينة، فأي بنت ممكن إنها تجيبه وتشيله لغاية ما ييجي ابن الحلال؛ لأنه مش مرتبط بموضة وألوانه بتناسب أي لون من ألوان البيت يعني مانخافش من إنه مش هيكون مناسب مع باقي الفرش، وده لأن في الغالب الأثاث بييجي على ذوق العروسة برضه وغالباً بتكون محددة الألوان اللي بتحبها في الأثاث ولذلك ممكن تجيب السجاد برضه على ذوقها وعلى حسب الأشكال والألوان اللي ترتاح ليها ومترتبطش باللي نازل موضة.
أفضل طريقة لتخزين السجاد
لازم ناخد بالنا جداً من طريقة التخزين لأن السجاد له طريقة تخزين خاصة بيه ففي بعض الشركات ممكن إننا نخزن عندهم السجاد وممن نخزنه في البيت بس لازم كل 3 أشهر نطلعه نهويه ونحط جواه فلفل أسود أو طفي السجائر وده علشان العتة.
أما السجاد اللي بنستخدمه في البيت أحسن طريقة لتنظيفه والحفاظ عليه هي أننا نكنسه بمقشات الرز بتاعة زمان ونبعد عن المكنسة الكهربائية لأنها بتنحله.
ونحاول كل شهر نعرضه للشمس لمدة نص ساعة.
فرش السجاجيد ليه طريقة
احنا اتكلمنا على السجاد وأنواعه وتعالوا نعرف ازاي نفرش البيت..
سجادة السفرة بتكون أكبر سجادة يعني لازم الكراسي تكون على السجادة هي والترابيزة، ومن الأحسن إن رسوماتها تكون صغيرة جنب بعضها ونبعد عن السجادة اللي ليها سرة؛ لأنها مش هتبان وعلى فكرة سجادة السفرة ممكن تكون مكن مش يدوي؛ لأنها بتتبهدل كتير ودايماً بتكون السجادة متدارية تحت الترابيزة.. وأحسن حاجة هي إننا نختار السجادة المستطيلة ونبعد عن المدورة
لأن السجاد المدور بيوضع فقط في مدخل البيت.
بالنسبة للصالون نختار سجادة متوسطة الحجم، وممكن سجادتين توأم لازقين في بعض.
أما الأنترية أو الليفنج نحط سجادة متوسطة الحجم وممكن بين الصالون والسفرة نحط قطعة سجاد صغيرة أوضة النوم زي ما قلت قبل كده بافضله من الشينواه ويكون قطع صغيرة.
ياريت نبعد عن الموكيت تماماً لأنه ليه أضرار على الصحة هو والسجاد المصنوع من الألياف الصناعية لأنه ضار بالصحة.
أما في مدخل الشقة نحط سجادة مدورة لو المدخل مربع وواسع أما لو كان المدخل طويل فالأفضل نحط سجادة مستطيلة.
No comments:
Post a Comment